1Ch 16 | Ndebele | STEP | Basebewuletha umtshokotsho kaNkulunkulu, bawumisa phakathi kwethente uDavida ayelimisele wona; basebenikela iminikelo yokutshiswa leminikelo yokuthula phambi kukaNkulunkulu.

1 Chronicles 16

1 Basebewuletha umtshokotsho kaNkulunkulu, bawumisa phakathi kwethente uDavida ayelimisele wona; basebenikela iminikelo yokutshiswa leminikelo yokuthula phambi kukaNkulunkulu. 2 UDavida eseqedile ukunikela umnikelo wokutshiswa leminikelo yokuthula wababusisa abantu ebizweni leNkosi. 3 Wasesabela wonke umuntu wakoIsrayeli kusukela kowesilisa kuze kube kowesifazana, kwaba ngulowo lalowo isinkwa esisodwa, leqatha lenyama, lesinkwa sezithelo zevini ezonyisiweyo.

4 Wasemisa izikhonzi kumaLevi phambi komtshokotsho weNkosi, ngitsho ukukhumbula lokubonga lokudumisa iNkosi, uNkulunkulu kaIsrayeli. 5 UAsafi inhloko ^a, lowesibili kuye uZekhariya ^b, uJeyiyeli, loShemiramothi, loJehiyeli, loMathithiya, loEliyabi, loBhenaya, loObedi-Edoma, loJeyiyeli belezinto zezigubhu zezintambo ^c njalo lamachacho ^d; uAsafi wasezizwakalisa ngezinsimbi ezincencethayo ^e; 6 loBhenaya loJahaziyeli abapristi ngezimpondo njalonjalo phambi komtshokotsho wesivumelwano sikaNkulunkulu ^f.

Ihubo likaDavida lokubonga

7 Ngalesosikhathi ngalolosuku uDavida wanika kuqala lesisihlabelelo ukudumisa iNkosi ^g ngesandla sikaAsafi labafowabo ^h:

8 Bongani iNkosi ⁱ, libize ibizo layo ^j, lazise phakathi kwabantu izenzo zayo ^k. 9 Hlabelelani kuyo, liyihubele amahubo, lilandise ngezenzo zayo ezimangalisayo ^l. 10 Zincomeni ebizweni layo elingcwele, kayithokoze inhliziyo yabo abadinga iNkosi. 11 Dingani iNkosi lamandla ayo, lidinge ubuso bayo njalonjalo ^m. 12 Khumbulani izimangaliso zayo eyazenzayo ⁿ, izibonakaliso zayo, lezahlulelo zomlomo wayo ^o, 13 nzalo kaIsrayeli inceku yayo, bantwana bakaJakobe, abakhethiweyo bayo.

14 IyiNkosi uNkulunkulu wethu; izahlulelo zayo zisemhlabeni wonke ^p. 15 Khumbulani isivumelwano sayo kuze kube nininini, ilizwi eyalilaya kuzinkulungwane zezizukulwana, 16 eyasenza loAbrahama ^q, lesifungo sakhe kuIsaka ^r, 17 eyasiqinisa lakuJakobe saba yisimiso, kuIsrayeli saba yisivumelwano esilaphakade, 18 isithi: Ngizakunika ilizwe leKhanani, inkatho yelifa lakho ^s.

19 Lapho lalibalutshwana ngenani, yebo libalutshwana ^t, njalo liyizihambi kulo ^u. 20 Basebezula besuka esizweni besiya esizweni, besuka embusweni besiya kwabanye abantu. 21 Kayivumelanga muntu ukubacindezela ^v; yebo yakhuza amakhosi ngenxa yabo ^w: 22 Lingathinti abagcotshiweyo bami, lingoni abaprofethi bami ^x.

23 Hlabelelani eNkosini, mhlaba wonke, litshumayele insuku ngensuku usindiso lwayo ^y. 24 Landisani udumo lwayo phakathi kwezizwe, izimangaliso zayo phakathi kwabantu bonke. 25 Ngoba yinkulu iNkosi, ifanele ukudunyiswa kakhulu ^z, iyesabeka phezu kwabonkulunkulu bonke ^aa. 26 Ngoba bonke onkulunkulu bezizwe bayizithombe ^ab; kodwa iNkosi yenza amazulu ^ac. 27 Udumo lenkazimulo kuphambi kwayo, amandla lentokozo kusendaweni yayo ^ad. 28 Inikeni iNkosi, zizukulwana zezizwe, inikeni iNkosi udumo lamandla ^ae. 29 Inikeni iNkosi udumo lwebizo layo ^af, lethani umnikelo lize phambi kwayo. Ikhonzeni iNkosi ebuhleni bobungcwele ^ag. 30 Lithuthumele phambi kwayo, mhlaba wonke; njalo umhlaba uzaqiniswa, kawuyikunyikinyeka.

31 Kawathokoze amazulu, lomhlaba ujabule ^ah, kabatsho phakathi kwezizwe ukuthi: INkosi iyabusa ^ai. 32 Kaluhlokome ulwandle lokugcwala kwalo, iganga kalithabe lakho konke okukulo ^aj. 33 Khona zizahlabelela ngentokozo izihlahla zehlathi phambi kweNkosi, ngoba iyeza ukwahlulela umhlaba.

34 Bongani iNkosi ngoba ilungile, ngoba umusa wayo umi kuze kube phakade ^ak. 35 Lithi futhi: Sisindise, Nkulunkulu wosindiso lwethu, usibuthe usikhulule ezizweni, ukuze sibonge ibizo lakho elingcwele, sizincome kudumo lwakho ^al.

36 Kayibusiswe iNkosi, uNkulunkulu kaIsrayeli, kusukela phakade kuze kube phakade ^am. Bonke abantu basebesithi: Ameni. Basebeyidumisa iNkosi ^an.

Labo abakhethelwa ukulondoloza umtshokotsho wesivumelwano

37 Wasetshiya lapho phambi komtshokotsho wesivumelwano seNkosi oAsafi labafowabo ukukhonza phambi komtshokotsho njalonjalo ^ao njengodaba losuku ngosuku lwalo ^ap. 38 LoObedi-Edoma kanye labafowabo, abangamatshumi ayisithupha lesificaminwembili; uObedi-Edoma indodana kaJeduthuni loHosa babengabagcini bamasango ^aq. 39 LoZadoki umpristi labafowabo abapristi ^ar phambi kwethabhanekele leNkosi endaweni ephakemeyo eyayiseGibeyoni ^as, 40 ukuze banikele iminikelo yokutshiswa eNkosini phezu kwelathi lomnikelo wokutshiswa ^at njalonjalo ekuseni lakusihlwa, lanjengakho konke okubhaliweyo emlayweni weNkosi, eyawulaya uIsrayeli ^au. 41 Njalo kanye labo oHemani ^av loJeduthuni ^aw labanye ababekhethiwe abamiswa ngamabizo ukubonga iNkosi ^ax, ngoba umusa wayo umi kuze kube phakade ^ay. 42 Njalo kanye labo oHemani ^az loJeduthuni ^ba babelezimpondo lezinsimbi ezincencethayo ^bb zalabo abazizwakalisayo, lezinto zokuhlabelela zikaNkulunkulu ^bc. Lamadodana kaJeduthuni ayesesangweni ^bd. 43 Basebehamba bonke abantu, ngulowo lalowo waya endlini yakhe. UDavida wasebuyela ukubusisa indlu yakhe ^be.